Një konflikt mes tre personave ka përfunduar me plagosjen me thikë të njërit prej tyre në zonën e ish-Parkut në Tiranë.
Sipas të dhënave paraprake, përplasja mes tyre ka agravuar, duke bërë që njëri nga personat e përfshirë të mbetet i dëmtuar.
I plagosuri është transportuar për ndihmë mjekësore dhe ndodhet jashtë rrezikut për jetën.
Policia ka mbërritur në vendngjarje dhe po punon për sqarimin e plotë të rrethanave të konfliktit, si dhe identifikimin e personave.
