Në prag të përballjes së shumëpritur mes Shqipërisë dhe Serbisë, e vlefshme për kualifikueset e Kampionatit Botëror, Federata Shqiptare e Futbollit ka publikuar masat dhe rregullat që do të jenë në fuqi për tifozët në stadium.
Ndeshja, e cila do të zhvillohet sot në orën 20:45 në “Arenën Kombëtare” në Tiranë, parashikohet të jetë me interes të lartë dhe me prani të konsiderueshme tifozësh.
Për këtë arsye, FSHF ka theksuar se do të ketë kontrolle të imtësishme në hyrje dhe masa të shtuara sigurie në çdo sektor të stadiumit.
Në njoftim thuhet:
“Çfarë duhet të dini para NDESHJES SHQIPËRI VS SERBI”
Hyrja bëhet vetëm me biletë personale dhe dokument identiteti.
Bileta nuk transferohet dhe duhet të mbahet gjatë gjithë ndeshjes.
Çdo person duhet të ketë biletën e tij, pavarësisht moshës
Duhet të uleni vetëm në vendin e përcaktuar në biletë
Nuk lejohet te kaloni në sektorë të tjerë pa lejen e steuardëve.
Kontrolli është i detyrueshëm për të gjithë.
Steuardët kanë të drejtë të kontrollojnë sendet dhe veshjen
Nuk lejohet bllokimi i hyrje-daljeve
Nuk lejohen flamuj apo banera me ofendime raciste, homofobike
Nuk lejohet kacavjerrja apo kalimi i pengesave
Nuk lejohet hyrja në fushë
Nuk lejohen pije alkoolike të paautorizuara
Nuk lejohen objekte të rrezikshme ose piroteknike
Mbajtja e armëve të zjarri apo të ftohta
Mbajtja e flamujve, banerave, parrullave që nxisin urrejtje
Përdorimi i biletave false
Kapërcimi i pengesave për të hyrë në fushën e lojës
Gjithashtu, FSHF bën me dije se stadiumi do të jetë i mbikëqyrur nga kamera sigurie në çdo cep, dhe çdo veprim i papërshtatshëm do të identifikohet menjëherë.
Federata u bën thirrje tifozëve që të respektojnë rregullat dhe të kontribuojnë për një atmosferë sportive dhe dinjitoze.
“Mbështesim kombëtaren me zemër, por me qytetari”.