Pas vetëm pesë muajsh në krye të Agjencisë Shtetërore të Kadastrës (ASHK) në Sarandë, drejtori Ilir Çibuku është shkarkuar nga detyra.
Vendimi është firmosur nga Drejtoresha e Përgjithshme e ASHK-së, Lorena Goxhobelli, me motivacionin “performancë e dobët në ofrimin e shërbimeve dhe trajtimin e aplikimeve të qytetarëve”.
Burime pranë institucionit bëjnë të ditur se shkarkimi ka ardhur pas një procesi vlerësimi të brendshëm mbi efikasitetin dhe cilësinë e punës në zyrat vendore të Kadastrës.
Sipas raportit të brendshëm, zyra e Sarandës është renditur ndër drejtori të me numrin më të lartë të ankesave dhe me vonesa të konsiderueshme në procedurat e aplikimeve.
Pas largimit të Çibukut, në krye të ASHK Sarandë është komanduar përkohësisht një punonjës i brendshëm i institucionit, deri në emërimin e drejtorit të ri.
