Një studim i ri i publikuar në “Journal of the American College of Cardiology” ka zbuluar se qëndrimi ulur për një kohë të gjatë, veçanërisht gjatë gjithë ditës në zyrë, lidhet drejtpërdrejt me rrezikun më të lartë për sëmundje të zemrës — përfshirë goditje në tru, infarkt dhe dështim të zemrës.
Sipas të dhënave të mbledhura nga afro 90 mijë persona që mbanin pajisje për matjen e lëvizjes për një javë, u konstatua se ata që kalonin më shumë kohë ulur kishin më shumë gjasa të diagnostikoheshin me sëmundje kardiovaskulare në vitet në vijim — edhe nëse ushtronin rregullisht.
“Gjetjet tona theksojnë qartë rëndësinë e shmangies së qëndrimit të tepërt ulur, pavarësisht nëse jeni fizikisht aktiv apo jo,” tha Dr. Ezim Ajufo, autori kryesor i studimit dhe kardiolog në “Brigham and Women’s Hospital në Boston”, për CNN.