Kevin Kigan, 74 vjeç, nje futbollist i dashur nga te gjithe, njëkohësisht ish-trajner i Anglisë dhe lojtar te Hamburgu në Gjermani, Njukasëlli, Mançester Siti dhe Fulhami në Angli, është shtruar në spital për të filluar trajtimin, njoftoi familja e tij.

“Kevin u shtrua së fundmi në spital për vlerësim të mëtejshëm të simptomave të vazhdueshme të barkut. Këto teste kanë zbuluar një diagnozë të kancerit, për të cilën Kevin do t’i nënshtrohet trajtimit”, thuhet në deklaratë.

Më tej aty sqarohet se:

“Kevin është mirënjohës ndaj ekipit mjekësor për ndërhyrjen dhe kujdesin e vazhdueshëm. Gjatë kësaj kohe të vështirë, familja dëshiron të kërkojë privatësi dhe nuk do të bëjë asnjë koment të mëtejshëm”.

Kevin Kigan ka lindur në vitin 1951 dhe, përveçse një yll i madh i Liverpulit të madh, nga viti 1971 deri në vitin 1977, ai ishte gjithashtu një anëtar kyç i Kombëtares së Anglisë me 63 paraqitje dhe 21 gola.