Tre shqiptarët e arresuar, si autorët e vrasjes makabre të noteres Mariza Terveti Papadatou, janë identifikuar nga autoritetet greke. Ata janë: Bedri Saraseli 46-vjeç, Veis Saraseli 21-vjeç (babë e bir) dhe Spiro Harshiu 50-vjeç, të tre nga Kuçova.
Sipas hetimeve, bëhet me dije se djali i vogël i familjes ka rrëfyer ngjarjen, teksa tregon se ishte vetë ai që i shkaktoi goditjen fatale noteres me thikë në kofshë. Një plagë që i shkaktoi 69-vjeçares gjakderdhje të pakontrollueshme që rezultoi në vdekje.
Ngjarja ndodhi në shkurt të këtij viti, ku tre shqiptarët i bënë pritë noteres teksa ajo kthehej në shtëpi dhe iu futën me dhunë në banesë me qëlllim grabitjen.
Viktima u gjet pa ndjenja mëngjesin e nesërm nga i biri, pranë shkallëve të hyrjes së shtëpisë, afër makinës së saj. Ekspertiza mjeko-ligjore konfirmoi se vdekja kishte ardhur si pasojë e një plage të shkaktuar nga mjet i mprehtë dhe shpues, e cila shkaktoi gjakderdhje masive dhe vdekje të shpejtë.