Një moment flirti ka ndodhur së fundmi në ambientet e shtëpisë së “Big Brother VIP” mes Mateos dhe Brikenës, ndërsa dy banorët po diskutonin për gatimin.
Teksa ndodheshin pranë banakut duke zgjedhur llojin e makaronave, Mateo ka përfituar nga afërsia për të bërë një gjest të papritur. Ai është afruar dhe e ka puthur Brikenën në supe, duke e kapur atë në befasi.
“Nuk u shmange dot në kohë…” – i tha Mateo duke qeshur, i kënaqur që ia doli të “vjedhë” puthjen para se ajo të reagonte.
Por reagimi i Brikenës ka qenë i ftohtë. Pa e fshehur bezdinë, ajo i është drejtuar menjëherë me ton serioz: “Mos bëj gabime”.
Pavarësisht refuzimit, Mateo ka vazhduar ta ngacmojë me batuta, duke këmbëngulur se ajo thjesht nuk ishte mjaftueshëm e shpejtë për t’i shpëtuar veprimit të tij.
Pavarësisht refuzimit në kuzhinë gjatë ditës, duket se nata ka sjellë një afrimitet tjetër mes Mateos dhe Brikenës.
Kamerat kanë kapur momente intime mes dy banorëve në orët e vona. Ndërsa dritat ishin fikur dhe banorët e tjerë po flinin, Mateo është parë i ulur në cepin e krevatit të tij, duke i qëndruar shumë pranë Brikenës.
Në video, ai shfaqet duke i ledhatuar dorën për minuta të tëra, një gjest shumë më i butë dhe i pranuar nga Brikena krahasuar me situatën e ditës.
Duket se këmbëngulja e Mateos po vazhdon, dhe raporti mes tyre po kalon nga “ngacmimet” me fjalë në prekje fizike dhe momente më private.
Comments are closed.