Një moment i rëndë emocional ka prekur shtëpinë e Big Brother VIP Kosova 4. Banori Labinot Rexha ka marrë lajmin e dhimbshëm për ndarjen nga jeta të gjyshit të tij, ngjarje që e ka tronditur jo vetëm atë, por edhe banorët e tjerë të shtëpisë.
Labinoti u shfaq dukshëm i shokuar dhe i prekur emocionalisht, duke shpërthyer në lot, ndërsa banorët i qëndruan pranë për ta ngushëlluar dhe mbështetur në këtë moment të vështirë.
Pamjet u transmetuan edhe në kamerat e BBVK-së, ku ai ndau hapur dhimbjen e tij me publikun.
Produksioni i programit, duke marrë parasysh situatën personale dhe humbjen e rëndë familjare, mori vendimin që t’i lejojë Labinot Rexhës të marrë pjesë në ceremoninë mortore të gjyshit të tij. Ky vendim u prit pozitivisht nga publiku dhe komuniteti i fansave të formatit.
Banorët e shtëpisë i qëndruan pranë Labinotit deri në momentin e largimit të tij, duke e mbështetur emocionalisht dhe duke i dhënë kurajo përballë kësaj humbjeje të madhe personale.
