Ditën e nesërme priten reshje të dendura shiu në disa qarqe të vendit. Sipas një parashikimi të bërë nga Instituti i Gjeoshkencave, reshjet do të variojnë nga të dobëta deri lokalisht mesatare, ndërsa në zona të caktuara do të shoqërohen edhe me shtrëngata.
Nesër priten reshje mesatare në qarqet Vlorë dhe Gjirokastër, ndërsa në qarqet Shkodër, Kukës, Lezhë dhe Korçë reshjet priten të jenë të dobëta deri lokalisht mesatare, të shoqëruara me shtrëngata. Në qarqet e tjera të vendit, reshjet do të jenë kryesisht të dobëta.
Ndërsa temperaturat minimale dhe maksimale të ajrit priten të arrijnë:
Në bregdet: 12 / 17 °C
Në vendet e ulëta: 10 / 16 °C
Në vendet malore: 5 / 12 °C
Nesër, era pritet të fryjë nga e lehtë deri në mesatare gjatë ditës.
