Të paktën 30 persona u plagosën kur rrufeja goditi një tubim mbështetësish të ish-Presidentit të ekstremit të djathtë Jair Bolsonaro në Brasilia, njoftoi departamenti i zjarrfikësve.
Mijëra protestues u mblodhën në një shesh në kryeqytet nën shiun e rrëmbyeshëm për të shprehur mbështetjen e tyre për Bolsonaron, i cili u dënua me 27 vjet burg për një tentativë grushti shteti dhe po mbahet në një burg në periferi të qytetit.
Rrufeja goditi pak para orës 13:00 dhe autoritetet ngritën menjëherë një tendë emergjence për të ofruar ndihmën e parë. Gjithsej 72 persona morën kujdes mjekësor, ndërsa 30 u transferuan në spitalet e qytetit, të paktën tetë prej të cilëve janë në gjendje të rëndë.
Demonstrata u mbajt në mbështetje të Jair Bolsonaros, i cili u dënua me 27 vjet burg për një tentativë grushti shteti dhe po mbahet në një burg në zonën metropolitane të Brasilias.
