Rruga nacionale Burrel – Skuraj vijon të jetë në gjendjen e saj më të degraduar.
Ky aks rrugor që lidh Qarkun Dibër me veri-perëndimin e vendit, por jo vetëm është kthyer në rrezik të madh për të gjithë drejtuesit e automjeteve.
Gjatë orëve të para të ditës së dielë në të gjithë segmentin e Shkopetit ka patur rënies gurësh dhe balte, duke vështirësuar lëvizjen.Po ashtu, në shumë zona ka prani të dendur të mjegullës që kufizon dukshëm fushëpamjen për të gjithë drejtuesit e automjeteve.
Problematikë e vazhdueshme mbeten gropat e hapura kudo në këtë aks rrugor si dhe deformimet e trasesë që ka pësuar ndër vite.
Aksi nacional Burrel – Skuraj është pjesë e kontratës B të rrugëve Qendër-Verilindje dhe mirëmbahet nga Autoriteti Rrugor Shqiptar.
Ndonëse çdo vit lëvrohen qindra milion lekë, gjendja e rrugës mbetet kritike.
