Sipas agjencisë gjysmëzyrtare iraniane Tasnim, në bisedimet e vona në Islamabad janë të pranishëm për palën amerikane Vance, Witkoff dhe Kushner. Nga pala iraniane po marrin pjesë Araghchi, Ghalibaf dhe Bagheri Kani.
Tasnim raporton se ky raund bisedimesh shihet si “shansi i fundit” për të arritur një marrëveshje të përbashkët mes palëve.
Negociatat po zhvillohen në një atmosferë të tensionuar dhe me pritshmëri të larta për një marrëveshje të mundshme.
Bisedime direkt SHBA–Iran në fazë kritike në Serena Hotel
Në Serena Hotel Islamabad po vazhdojnë bisedime direkte mes SHBA-ve dhe Iranit, të cilat sipas burimeve kanë hyrë në një fazë kritike. Pika kryesore e mosmarrëveshjes mbetet Ngushtica e Hormuzit, ku SHBA-të kërkon hapje të plotë të saj. Ndërsa pala iraniane raportohet se po tregon disa shenja fleksibiliteti.
Sipas burimeve, qëndrimi amerikan i mbështetur nga mbetet i ashpër dhe me kërkesa maksimale. Ndërkohë raportohet se disa avionë iranianë kanë zbarkuar në një bazë ushtarake në Pakistan, por ende nuk dihet qëllimi i kësaj. Negociatat po vazhdojnë.
Evropa mund të përballet me mungesë të karburantit për avionë brenda tre javëve të ardhshme, duke rrezikuar seriozisht transportin ajror dhe ekonominë e Bashkimit Europian.
Paralajmërimi vjen nga ACI Europe, që përfaqëson aeroportet evropiane, e cila në një letër drejtuar zyrtarëve të Komisionit Europian thotë se situata mund të përkeqësohet nëse nuk rifillon qarkullimi në Ngushticën e Hormuzit në mënyrë të qëndrueshme.
Comments are closed.