Një ngjarje tronditëse është zbuluar në Athinë, ku dy gra nënë dhe bijë janë gjetur të pajeta brenda një apartamenti në zonën e Zografou. Sipas informacioneve paraprake, trupat e tyre ndodheshin në një fazë të avancuar dekompozimi, duke ngritur dyshime se ato kishin kohë që kishin ndërruar jetë.
Rasti doli në dritë pas shqetësimit të të afërmve, të cilët kishin raportuar zhdukjen e grave disa muaj më parë në komisariatin lokal. Ata shprehën edhe dyshime se djali i familjes mund të kishte lidhje me ngjarjen.
Fillimisht, policia shkoi në apartamentin përkatës të shtunën, por nuk mori përgjigje. Të dielën pasdite, djali i familjes hapi derën, por u përpoq të pengonte hyrjen e efektivëve, duke pretenduar se dy gratë jetonin diku tjetër. Pas verifikimeve, rezultoi se deklarata e tij ishte e pavërtetë.
Pas kthimit në banesë dhe kryerjes së kontrollit, policia konstatoi se një nga dhomat ishte e mbyllur dhe e izoluar me stuko. Me autorizimin e prokurorit, efektivët hynë në ambientin e dyshimtë, ku zbuluan trupat e pajetë.
Djali i familjes është shoqëruar në polici dhe po merret në pyetje, ndërsa hetimet për zbardhjen e plotë të ngjarjes vijojnë.
Comments are closed.