Shqiptari i akuzuar si autor i vrasjes së kryetarit të fshatit Lithovouni në Aitoloakarnania, rajoni i Agrinjos, pritet të kërkojë falje nesër kur të dalë në gjyq, ndërsa mediat greke kanë siguruar informacione të reja rreth çështjes.
Sipas një emisioni televiziv në Greqi, gruaja e 50-vjeçarit Kostas Alexandris dëshmoi se viktima e kërcënoi se do ta vriste, atë dhe shqiptarin, me të cilin dyshohet se kishte lidhje.
“Jam e shokuar, të afërmit e mi më njoftuan për vdekjen e Kostasit. Kostas më ka kërcënuar vazhdimisht kohët e fundit se do të më vrasë edhe mua edhe autorin. Kisha frikë për jetën time, por edhe për jetën e tij. E dua S… ai u kujdes për mua dhe më kuptoi, më kuptoi. Më vjen shumë keq për humbjen e Kostasit. Ajo që më intereson është shëndeti mendor i fëmijës tim”, ka rrëfyer gruaja e viktimës.
Mediat në vendin fiqnj shkruajnë se funerali i kryetarit të fshatit, Kostas Alexandris, i cili u vra të shtunën më 17 janar, u mbajt në një atmosferë të rëndë në Lithovouni, Aitoloakarnania.
Të afërm, miq dhe bashkëfshatarë u mblodhën të martën në mëngjes në Kishën e Agios Dimitrios, në Lithovouni, për t’i dhënë lamtumirën përgjithmonë babait të një fëmije dhe presidentit të Bashkësisë Vendore.
Trupi i Kostas Alexandris mbërriti në kishë në orën 11:30 të mëngjesit, mes një atmosfere emocionesh, ndërsa kurora në kujtim të tij dërguan, ndër të tjerë, Zëvendësministri i Punës Kostas Karagounis, kryetari i bashkisë së Agrinio-s Giorgos Papanastasiou, Këshilli Bashkiak i Agrinio-s dhe Shoqata e Punonjësve të Njësisë Rajonale të Aitoloakarnania-s.
Autori shqiptar (ende i paidentifikuar me emër), sipas informacioneve fillestare, dyshohet se i kishte ngritur pritë viktimës dhe, teksa 51-vjeçari po kalonte me makinën e tij, e qëlloi tre herë. Si pasojë e të shtënave me armë, Kostas Alexandris humbi kontrollin e automjetit, i cili përfundoi në fushat e zonës.
Gjatë autopsisë në vendngjarje, policia përcaktoi se viktima, e cila mbante veshur rroba të errëta, u gjet me fytyrën poshtë në sediljen e pasagjerit. Brenda automjetit u gjet një pushkë gjahu, duke konfirmuar se 51-vjeçari ishte gjithashtu i armatosur.
Shqiptari vrau kryetarin e fshatit në Agrinjo pas lidhjes me gruan e tij,
Shqiptari dhe Kostas Alexandris
Disa orë pas krimit, autori i krimit kontaktoi autoritetet duke kërkuar të dorëzohej, ndërsa thuhet se tha kkonkretisht: “Ejani të më merrni nga shtëpia, unë e vrava” dhe gjatë arrestimit dorëzoi edhe armën që përdori.
Personi kyç në këtë rast, përveç autorit të krimit sigurisht, është padyshim gruaja e viktimës, ndërsa po shtohen raportet se motivi i vrasjes ishte rivaliteti romantik, me informacione që sugjerojnë se vrasësi i dyshuar kishte një lidhje të fshehtë me gruan e viktimës.
