Kur ambulanca ka mbërritur në shtëpinë e viktimës, raportohet se ai qëndronte i shtrirë i pajetë në sallon, veshur me kostum dhe këmishë.
Prokuroria e Fier ka dhënë detaje nga vrasja makabre e 56-vjeçarit Anesti Rama, i cili dyshohet se u dhunua dhe u mbyt me tel nga vajza e tij Emalinda Rama dhe Çlirim Dogani, që dyshohet se e reja kishte një lidhje intime.
Prokuroria e Fierit ka proceduar penalisht për 2 vepra penale vajzën, shokun e saj dhe bashkëshorten e Anesti Ramës. Të tre, Emalinda Rama, Valbona dhe Çlirim Dogani kanë tentuar të inskenojnë vdekjen si aksidentale, duke pastruar trupin dhe njoftuar policinë se ‘ai kishte rrëshqitur në banjë’.
Hetimet zbuluan se trupi i viktimës kishte dëmtime të dukshme në fytyrë dhe në pjesën ballore të kokës.
Sipas deklarimeve të së bijës dhe bashkëshortes së viktimës, ato e kishin gjetur pa shenja jete në tualet dhe më pas e kishin pastruar dhe veshur për qëllime ceremoniale, duke pastruar edhe vendin e ngjarjes. Emalinda dhe Valbona kishin njoftuar fqinjët se 56-vjeçari ishte rrëzuar në tualet dhe në vijim ishte njoftuar ambulanca dhe policia.
“Ato e kanë lëvizur të ndjerin nga tualeti, e kanë pastruar dhe veshur, me qëllim kryerjen e riteve mortore, si dhe kanë pastruar vendin e ngjarjes”, sqaroi organi i akuzës.
Pas veprimeve hetimore, u bë arrestimi në flagrancë:
Emalinda Ramës, e dyshuar për kryerjen e veprës penale “Vrasja për shkak të marrëdhënieve familjare”, e kryer në bashkëpunim,
Valbona Ramës, e dyshuar për kryerjen e veprës penale “Veprime që pengojnë zbulimin e së vërtetës”
Si dhe ndalimi me iniciativë i shtetasit:
Çlirim Dogani, i dyshuar për kryerjen e veprës penale “Vrasja për shkak të marrëdhënieve familjare”, e kryer në bashkëpunim.
Nëna dhe vajza e viktimës akuzohen për “Vrasje për shkak të marrëdhënieve familjare” në bashkëpunim, si dhe V.R., për “Veprime që pengojnë zbulimin e së vërtetës”, ndërsa Çlirim Dogani akuzohet si bashkëpunëtor.
Njoftimi i Prokurorisë:
Prokuroria pranë Gjykatës së Shkallës së Parë të Juridiksionit të Përgjithshëm Fier ka regjistruar procedimin penal nr. 1073, datë 24.07.2025, për dy vepra të rënda penale ndaj tre shtetasve, pas një ngjarjeje të rëndë të ndodhur në fshatin Frashër.
Ngjarja ndodhi më 23 korrik 2025, rreth orës 21:16, kur në Sallën Operative Fier u bë një telefonatë për një person të dëmtuar në banesën e tij. Ambulanca e Spitalit Rajonal Fier mbërriti në vendngjarje dhe gjeti shtetasin Anesti Rama R. të pajetë në sallonin e shtëpisë, i veshur me kostum dhe këmishë.
Hetimet paraprake zbuluan se trupi i viktimës kishte dëmtime të dukshme në fytyrë dhe në pjesën ballore të kokës. Fillimisht, familjarët pretenduan se A.R. ishte rrëzuar në tualet. Sipas deklarimeve të së bijës, E.R., dhe bashkëshortes së viktimës, V.R., ato e kishin gjetur pa shenja jete në tualet dhe më pas e kishin pastruar dhe veshur për qëllime ceremoniale, duke pastruar edhe vendin e ngjarjes.
Megjithatë, pas veprimeve të para hetimore dhe përdorimit të metodave proaktive të hetimit, Prokuroria arrestoi në flagrancë shtetasen E.R., të dyshuar për “Vrasje për shkak të marrëdhënieve familjare” në bashkëpunim, si dhe V.R., për “Veprime që pengojnë zbulimin e së vërtetës”. Po ashtu, u ndalua me iniciativë shtetasi Ç.D., i dyshuar për bashkëpunim në vrasje.
Prokuroria kërkoi dhe mori miratimin nga gjykata për masën e sigurisë “arrest në burg” për të tre personat nën hetim.
Në njoftimin zyrtar, Prokuroria e Fierit theksoi se do të vijojë me përkushtim hetimin e plotë të ngjarjes dhe vendosjen përpara drejtësisë të çdo personi që kryen vepra penale kundër jetës.
Kujtojmë se, Çlirim Dogani, shofer autobusi në Roskovec, i martuar dhe baba i dy fëmijëve dyshohet se kishte krijuar një lidhje të fshehtë intime me Emalinda Ramën, vajzën që vrau të atin tre ditë më parë në Frashër të Fierit. Dyshohet se lidhja intime e 26-vjeçares me një burrë të martuar 55 vjeç, është kundërshtuar nga i ati, Anesti Rama, gjë që i kushtoi jetën.
