Një moment i tensionuar ka tërhequr vëmendjen gjatë Prime-t të fundit të Ferma VIP, menjëherë pasi Vis Pupa u shpall si banori më i preferuar i publikut.
Ajo që nuk kaloi pa u vënë re ishte reagimi i Mimoza Ahmetit, e cila u duk e rezervuar dhe dukshëm e pakënaqur pas shpalljes së rezultatit.
Situata u bë edhe më interesante kur Arbana Osmani e pyeti drejtpërdrejt nëse ishte e mërzitur dhe pse po qëndronte kaq e heshtur.
Përgjigjja e Mozës habiti jo pak publikun dhe banorët.
Me një ton të prerë, ajo u shpreh se është një person që jep leksione dhe spektakël për publikun, deklaratë që shumë ndjekës e kanë interpretuar si një shenjë pakënaqësie ndaj faktit që nuk u zgjodh ajo si më e preferuara e publikut.
Menjëherë pas këtij momenti, rrjetet sociale janë mbushur me komente dhe diskutime, ku një pjesë e ndjekësve kanë ngritur pikëpyetje mbi mënyrën e përzgjedhjes së favoritit të publikut.
Ndërkohë, të tjerë kanë mbrojtur rezultatin, duke argumentuar se votat e publikut duhet të respektohen pavarësisht preferencave të banorëve.
Deklarata e Mozës ka ndezur debat të fortë online, ndërsa videoja e momentit po shpërndahet masivisht në rrjetet sociale.
Comments are closed.