Policia ka arrestuar 25 vjeçarin Klodian Mustafa, gjatë një aksioni të zhvilluar në rrugën “Myslym Keta” ku i riu po qarkullonte me armë zjarri në automjetin e tij
Siç shihet nga pamjet, efektivët i kanë ngritur kurth duke e rrethuar me disa makina dhe më pas e kanë neutralizuar 25 vjeçarin.
Gjatë kontrollit në mjetin e tij u gjetën 2 automatikë. VoxNews ka mësuar se 25-vjeçari është muzikant dhe kishte në plan t’i shiste.
Ndërkohë vijojnë hetimet për kapjen e personave të tjerë të përfshirë në këtë veprimtari kriminale.
Njoftimi i policisë:
Në kuadër të operacionit “Next” Specialistët për Hetimin e Krimeve të Komisariatit të Policisë Nr. 4 arrestuan shtetasin K. M., 25 vjeç, pasi në rrugën ‘Myslym Keta’, gjatë kontrollit në automjetin që ai drejtonte, u gjetën 2 armë zjarri automatike me municion, të cilat dyshohet se ai i posedonte me qëllim shitjen.
