Sot në orën 11:00 është mbledhur Gjykata Kushtetuese për të shqyrtuar çështjen e pezullimit nga detyra të zv/kreut të qeverisë dhe ministres së Infrastrukturës, Belinda Balluku, pas vendimit të GJKKO që e hoqi nga detyra si masë sigurie.
Kjo është mbledhja e tretë lidhur me çështjen e Ballukut, ku sipas gazetares Klodiana Lala pritet të ketë një vendim përfundimtar në lidhje me pezullimin apo jo nga detyra të zv.kryeministres Belinda Balluku.
Gjyqtarët e Gjykatës Kushtetuese kanë dalë nga Dhoma e Këshillimit vetëm për pak minuta për të konsumuar vaktin e drekës dhe më pas janë rikthyer, ndërsa burime nga gjykata bëjnë me dije se vendimi pritet të merret gjatë ditës së sotme.
Në këtë proces, qeveria e kryeministrit Edi Rama ka depozituar në Kushtetuese kërkesë për të hedhur poshtë vendimin e GJKKO-së, duke argumentuar se ai cenon kompetencat kushtetuese dhe funksionimin e ekzekutivit. SPAK, nga ana tjetër, ka kërkuar edhe heqjen e imunitetit për Ballukun dhe arrestimin e saj për shkak të dyshimeve për keqpërdorime në tenderë të mëdhenj publikë.
Sipas procedurës, Kushtetuesja ka afat 30 ditë nga mbyllja e seancës për të nxjerrë vendimin e saj përfundimtar mbi këtë kërkesë.
Comments are closed.