RENEA blîndon Vlorën, Fòrcat Specîale rrèthojnë pallatet

Zona e Ujit të Ftohtë në Vlorë është zgjuar këtë të shtunë nën prezencë të lartë policore dhe me mësymjen e Forcave Speciale RENEA nga Tirana, të cilat kanë zbarkuar në qytetin bregdetar me disa furgonë dhe dhjetëra efektivë.

Deri tani nuk ka informacion se çfarë po ndodh, por burime paraprake bëjnë me dije se në shënjestër është një grup kriminal që vepron në qytetin bregdetar.

Forcat Speciale rrethojnë pallatet tek Uji i Ftohtë
Forcat Speciale kanë bllokuar rrugën e sipërme të zonës së Ujit të Ftohtë, pas blloqeve të pallateve që ndodhen aty, duke ndaluar kalimin e mjeteve dhe këmbësorëve, ndërkohë që një dron mbështet operacionin nga ajri.

Ndërkohë, nga këto pamje që vijnë nga ana përballë e Lungomares, shihet se një efektiv i RENEAS qëndron në pjesën ballore të pallateve. Newsbomb.al raporton se kontrollet po zhvillohen në bllokun e pallateve të Kompleksit Oslo në Vlorë.

Pritet që në orët në vazhdim, Policia e Vlorës të dalë me një deklaratë për të shpjeguar gjithë operacionin që ka zgjuar qytetin bregdetar këtë mëngjes dhe cili ka qenë fokusi, nëse është arritur të lokalizohen dhe ndalohen eksponentë të krimit.

Newsbomb.al