Rogerti dhe Miri flasin për film.. me Selinën, njerëzit shpërthejnë në kritika

Një moment i shkëputur nga kamerat e “Big Brother VIP Albania 5” ka ndezur një valë të madhe indinjate dhe zemërimi në rrjetet sociale.

Protagonistë të kësaj videoje që po bën xhiron e internetit janë Rogerti dhe Miri, të cilët janë dëgjuar duke bërë komente tejet të rënda dhe të papërshtatshme për Selin Bollatin.

Teksa dyshja po konsumonte ushqim në tryezë, Selin ka kaluar përballë tyre. Në këtë moment, Rogerti i drejtohet Mirit duke ulur zërin për të fshehur fjalën e plotë: “Imagjino për shembull një film p… të tre kështu personazhe.”

Miri, nga ana e tij, nuk e ndalon këtë bisedë, por ia kthen me bindje: “E ke të sigurt.”

Ngacmimi vazhdon në momentin kur Rogerti i drejtohet drejtpërdrejt Selinës duke i thënë: “Gati na ra ushqimi nga goja o Selin,” koment të cilit Miri i shton: “Mua më ra.”

Skenari i tyre nuk ndalet me kaq. Kur pranë tyre kalon Mali, Rogerti komenton: “Ja dhe ky,” ndërsa Miri e plotëson fjalinë me një konotacion të qartë denigrues: “Ky është ai që vjen nga mbrapa, që ha akullore.”

Ndonëse audioja në momentin kur përmendet lloji i filmit ulet qëllimisht nga vetë banori, konteksti i fjalive dhe zhvillimi i bisedës e bëjnë më se të qartë nënkuptimin e tyre, duke aluduar hapur për skenarë pornografikë.

Kjo bisedë, e cila tejkalon çdo kufi të etikës, respektit dhe privatësisë, nuk është pritur aspak mirë nga publiku.

Rrjetet sociale janë “përmbytur” nga komente negative që e dënojnë këtë gjuhë seksiste dhe vulgare. Ndjekësit kanë shpërthyer në kritika ndaj dy banorëve, duke u kujtuar atyre statusin familjar dhe duke theksuar se është e turpshme që burra në moshë, e për më tepër baballarë, të flasin në këtë formë për një vajzë 23-vjeçare.

Në qindra komente të lëna në videot e shpërndara, fansat e programit kanë etiketuar drejtpërdrejt produksionin, moderatorin Ledion Liço dhe opinionistët Arbër Hajdari dhe Monika Kryemadhi.

“Si do ndiheshit po të dëgjonit dy burra, prindër, të shpreheshin për vajzën tuaj kështu?” shkruan një ndjekës.

“Mjerë ato gra çfarë do mendojnë… produksioni nëse nuk merr masa rigoroze, kjo dënohet me kod penal,” shton një tjetër.

“Kjo vajzë u ul, u përbalt, u denigrua… imagjino ku ka shkuar imagjinata e këtyre dy burrave.”

Publiku ka kërkuar njëzëri që kjo çështje të mos kalohet në heshtje, por të trajtohet me seriozitetin maksimal në spektaklin e radhës, duke bërë thirrje për masa rigoroze për atë që po e konsiderojnë si një denigrim të pastër publik.