Kryeministri francez Sebastian Lecornu, bleu bukë në një maj dhe “u kryqëzua” nga opinioni publik dhe sindikatat në mbarë Francën, të cilat e quajtën këtë veprim një skandal të vërtetë.
Lecornu u shfaq i buzëqeshur teksa porosiste disa bageta në një furrë lokale, në prani të gazetarëve, dhe lajmi u përhap shpejt në mediat franceze, por nuk zgjati shumë dhe polemikat shpërthyen. Pakënaqësia e sindikatave dhe shumë qytetarëve qëndron në faktin se furra ishte e hapur gjatë Ditës Ndërkombëtare të Punëtotrëve, dhe sindikatat i mëshojnë faktit se të gjithë punëtorët duhet të jenë pushim në këtë ditë.
Sipas ligjeve në fuqi në Francë, në 1 maj punojnë vetëm spitalet dhe shërbimet thelbësore, e punonjësit e tyre paguhen dyfish për ditën e punës.
Statusi i bizneseve në sektorin e shërbimit të tilla si furrat e bukës, mbeten të paqarta ende, ndaj qeveria po shqyrton një përjashtim ligjor për këto aktivitete, por seindikatat nuk janë fort dakord.
Marylise Léon, sekretarja e përgjithshme e sindikatës më të madhe në Francë, e kritikoi kryeministrin, duke e cilësuar vizitën e tij si “teatër politik”.
“Politikanët që vizitojnë furra janë një spektakël që nuk na duhet. Duhet të tregojmë si duket jeta reale e një bukëpjekësi,” tha ajo
Me lëvizjen e tij, Lecornu po përpiqej të promovonte një projekt-ligj të ri për të përjashtuar qartë dyqanet e pavarura të bukës dhe luleve nga detyrimi për pushim në Ditën e Punëtorëve
Comments are closed.