Autoritetet amerikane kanë evakuuar Aeroportin Ndërkombëtar të Kansas Cityt (KCI) pas raportimeve për një kërcënim të mundshëm brenda ndërtesës, duke shkaktuar panik mes pasagjerëve.
Ngjarja ndodhi pas orës 18:00 me orën lokale, kur të gjitha nisjet e fluturimeve u pezulluan menjëherë, ndërsa udhëtarët u panë duke dalë me nxitim nga terminali dhe duke tërhequr bagazhet e tyre drejt zonave të jashtme të aeroportit.
Në vendngjarje kanë mbërritur forca të shumta policie dhe agjentë të FBI-së, të cilët po punojnë për të verifikuar natyrën e kërcënimit.
Në një deklaratë për mediat, Departamenti i Aviacionit i Kansas Cityt konfirmoi situatën.
“Departamenti i Aviacionit i Kansas Cityt është në dijeni të një situate në Aeroportin Ndërkombëtar të Kansas Cityt. Si masë paraprake janë evakuuar pjesë të terminalit dhe policia e aeroportit po punon me FBI-në për të përcaktuar çdo kërcënim të mundshëm”, thuhet në reagim.
Sipas autoriteteve, fluturimet që mbërrijnë në aeroport vazhdojnë të ulen, por nisjet janë ndaluar përkohësisht derisa situata të sqarohet plotësisht.
Ndërkohë, në rrjetet sociale qindra udhëtarë kanë publikuar video nga momenti i evakuimit, ndërsa disa pretendojnë se qenë të specializuar për zbulimin e bombave po kontrollojnë terminalin dhe korridoret e aeroportit.
Hetimet vijojnë për të përcaktuar nëse bëhet fjalë për një kërcënim real apo për një alarm të rremë.