Pas gati tre dekadash bashkë, martesa e muzikantit të njohur Akon dhe bashkëshortes së tij Tomeka Thiam ka marrë fund.
Tomeka paraqiti kërkesën për divorc më 11 shtator, vetëm katër ditë para përvjetorit të 29-të të martesës, duke përmendur “mospërputhje të pakapërcyeshme”.
Sipas dokumenteve të gjykatës, çifti kanë një vajzë 17-vjeçare, Journey, për të cilën Tomeka kërkon kujdestari fizike, ndërsa Akon të ketë të drejtë vizite. Ajo gjithashtu kërkon mbështetje financiare bashkëshortore, por jo detyrime të tilla nga ana e saj ndaj këngëtarit.
Akon, 52 vjeç, ka qenë i hapur për bindjet e tij mbi poligaminë. Në intervista të mëparshme ka pranuar se është baba i nëntë fëmijëve dhe se për të “poligamia është pjesë e kulturës afrikane”.
Ai ka theksuar se përkushtimi i tij kryesor është të sigurojë mirëqenien e fëmijëve dhe nënave të tyre.
Lidhja mes Akon dhe Tomeka-s ka qenë e mbajtur larg syrit të publikut për vite me radhë, por ndarja e tyre ka tërhequr vëmendje të madhe, duke shënuar fundin e një prej martesave më jetëgjata në showbiz.
