Të paktën shtatë persona u vranë dhe një person është zhdukur pas një shpërthimi të fuqishëm në një fabrikë në Kinën veriore të shtunën , raportoi agjencia shtetërore e lajmeve Xinhua.
Shpërthimi ndodhi në një fabrikë në pronësi të kompanisë së bioteknologjisë Jiapeng në Qarkun Shanyin, rreth 400 kilometra në perëndim të Pekinit. Autoritetet lokale u mobilizuan menjëherë, ndërsa zjarrfikësit dhe ekipet e shpëtimit nxituan në vendngjarje.
Sipas informacioneve të disponueshme deri më tani, operacioni i kërkim-shpëtimit është në kulmin e tij, me ekipet që përpiqen të gjejnë personin e zhdukur, ndërsa po bëhen përpjekje për të siguruar plotësisht zonën.
Aksidentet industriale janë të zakonshme në Kinë.
Shkaku i shpërthimit mbetet i paqartë dhe pritet të hetohet nga autoritetet kompetente. Aksidentet industriale janë një problem i vazhdueshëm në Kinë, shpesh për shkak të masave të pamjaftueshme të sigurisë dhe pajtueshmërisë së dobët me rregulloret.
Kujtohet se në fund të janarit, nëntë persona vdiqën pas një shpërthimi në një fabrikë çeliku në Mongolinë e Brendshme, një incident që kishte provokuar reagime të forta dhe angazhime të reja për të forcuar kontrollet në industri.
Comments are closed.