Një lajm i trishtë ka ardhur këtë të diel! Sipërmarrësi i njohur dhe ish-këshilltari për Turizmin, Vasil Kallupi ka humbur nënën e tij, në moshën 95-vjeçare.
Lajmin e trishtë e ka bërë me dije vetë Kallupi përmes një postimi në rrjetet sociale ku dhe ka ndarë me ndjekësit lidhjen e veçantë dhe dashurinë e pafund që e lidhte me nënën e tij.
“Ajo nuk ishte vetëm nëna ime… ishte shpirti im binjak, lutja ime më e bukur, forca që më mbante kur unë rrëzohesha. Dashuria e saj ishte e pastër, e pafund, hyjnore… një dashuri që nuk do shuhet kurrë, edhe pse sot ajo nuk është më pranë meje”, shkruan ai.
Përpos fushës së biznesit, Vasil Kllupi ka shërbyer edhe si këshilltar në Ministrinë e Turizmit, kohë kur ky digaster drejtohej nga i ndjeri Bashkim Fino.
Postimi i plotë i biznesmenit:
Sot zemra ime u thye në një mënyrë që nuk e kisha njohur kurrë më parë… humba shpirtin që më dha jetë, dritën që më udhëhoqi në çdo hap, mamanë time. Ajo nuk ishte vetëm nëna ime… ishte shpirti im binjak, lutja ime më e bukur, forca që më mbante kur unë rrëzohesha.
Dashuria e saj ishte e pastër, e pafund, hyjnore… një dashuri që nuk do shuhet kurrë, edhe pse sot ajo nuk është më pranë meje. E ndjej në çdo frymëmarrje, në çdo kujtim, në çdo rrahje zemre… sikur një pjesë e saj jeton brenda meje përgjithmonë. Mami im i shtrenjtë, pusho në paqe… shpirti yt u bë dritë në qiell, por për mua do mbetesh gjithmonë shtëpia ime.
Comments are closed.