Në orët e para të mëngjesit të djeshëm një automjet i blinduar që transportonte para u sulmua në autostradën A14, në provinvcën e Chietit, në Itali. Ku një bandë e organizuar kriminale arriti të grabisë prej tij rreth 400 mijë euro.
Sipas raportimeve të mediave italiane, rreth orës 6:30, një bandë e organizuar kriminale ndërmori një sulm të armatosur me armë zjarri, mjete shpërthyese dhe tymyese.
Në mënyrë që të arrinin qëllimin e tyre për të ndaluar dhe grabitur makinën e mbushur me qindra mijëra euro, ata bllokuan qarkullimin duke djegur të paktën dy automjete në rrugë. Duke përdorur armët e zjarrit dhe një shpërthim që e shkaktuan vetë ata, sulmuesit arritën të hapin automjetin dhe të aksesojnë kasafortën, ndërkohjë punonjësit ndodheshin ende brenda.
Fatmirësisht nuk raportohet për persona të lënduar, policia ka nisur hetimet por deri më tani autorët nuk janë identifikluar.
Për disa orë trafiku në këtë segment të autostradës ka qënë i bllokuar.
