Ajo që është përfolur prej disa ditësh duket se është konfirmuar. Shkarkimi nga posti i ministres së Jashtme ka sjellë tension mes Edi Ramës dhe Elisa Spiropalit, tension që ishte vënë re, por sot ka shpërthyer.
Kreu i grupit të PS, Taulant Balla, doli sot në një konferencë për gazetarët dhe u pyet mbi faktin që Elisa Spiropali nuk mori pjesë në seancën ku u votua për imunitetin e ish-ministres Belinda Balluku, edhe pse kishte një urdhër që askush të mos mungonte. Balla sinjalizoi se do të ketë një mbledhje të posaçme për të diskutuar mbi këtë veprim të Spiropalit.
“Nuk i marr vetëm vendimet, i marr me grupin parlamentar. Që kështu do ta pyes dhe grupin parlamentar për këtë çështje”, tha Balla.
Mirëpo pas deklaratës së Ballës, ka reaguar vetë Spiropali, duke dëshmuar se ka shumë tension në këtë mes.
“Taulant, e lexova me vonesë një deklaratë tënden publike. Jam plotësisht dakord. Nëse çështja kërkon konsultim me grupin parlamentar, atëherë është pikërisht ajo që duhet bërë pa vonesë. Thirre grupin dhe zhvillojmë një diskutim të plotë. Vendimmarrja kolektive është forca e grupit të PS dhe garancia e legjitimitetit politik
Çdo qëndrim që del nga një diskutim i hapur, i troçtë dhe i ndërgjegjshëm, meriton respekt, pavarësisht drejtimit që merr. Rëndësi ka që vendimi të jetë i menduar, i argumentuar dhe në përputhje me përgjegjësinë që kemi përballë publikut”, shkruan ajo.
Në përditësim…
Comments are closed.