Tensione dhe debate në sallën e Kuvendit pasditen e sotme, ku po diskutohej projektligji “Për krijimin e Agjencisë Kombëtare të Shërbimeve Arsimore”.
Teksa kërkoi të mbante fjalën, Luçiano Boçi u rikthye për ta bllokuar foltoren pasi Ana Nako e Lindita Nikolla u larguan prej saj.
Kryeparlamentari Niko peleshi i kërkoi të largohej pasi sipas rregullores dhe procedurës nuk i lejohej fjala.
Por Boçi i kërkoi që të respektohej rregullorja ku deputetët e opozitës duhet të flisnin në foltore.
Kjo çoi në marrjen e masave nga kryeparlamentari Peleshi, i cili përshkallëzoi deri në përjashtimin e tij. Peleshi i dha dy vërejtjet e para, por Boçi këmbënguli duke mos u larguar nga foltorja dhe kjo solli përjshtimin dhe 5 minuta pushim.
Peleshi: Nuk thatë për replikë. Ju lutem, uluni! Uluni dhe mos ofendoni! Ju tërheq vëmendjen, jepet masa disiplinore tërheqje vëmendjeje!
Boçi: Pse paragjykoni?
Peleshi: Nuk paragjykoj, në këtë pikë të rendit të ditës fjala jepet një herë. Lironi foltoren! Po shkelni rregulloren! E morët fjalën 10 minuta dhe nuk ju është refuzuar! U ngritët herën e dytë dhe thjesht thatë dua të flas, pa e specifikuar.
Merrni masën e dytë disiplinore, vërejtje! Sipas rregullores, nëse vazhdoni ta shkelni, merret masa e tretë, ju hiqet e drejta e fjalës për ditën e sotme! Mos vazhdoni të shkelni rregulloren!
-5 minuta pushim!
Peleshi: Luçiano Boçin përjashtojeni nga salla! 5 minuta pushim derisa Boçi të lirojë sallën!
Comments are closed.