Një aksident i rrezikshëm, por fatmirësisht pa viktima, ka ndodhur në zonën e Babrrusë në Tiranë, ku një 39-vjeçar që dyshohet se po kryente manovra të rrezikshme me automjetin e tij, ka dalë nga rruga duke përplasur lehtë 5 këmbësorë.
Pas këtij incidenti, 39-vjeçari P. B. është larguar duke braktisur automjetin, ndërsa të lënduarit janë larguar në banesë pas ekzaminimeve mjekësore.
Policia thotë se po punon për kapjen e 39-vjeçarit dhe dokumentimin e plotë të rrethanave të rastit.
Njoftimi i Policisë:
“Shpallën në kërkim shtetasin P. B., 39 vjeç, pasi në rrugën “Halit Haxhija” dyshohet se, duke kryer manovra të rrezikshme me automjet, automjeti ka dalë nga rruga duke përplasur lehtë 5 shtetas (këmbësorë), dhe më pas është larguar duke braktisur automjetin. Të dëmtuarit, pas kryerjes së ekzaminimeve mjekësore, janë larguar për në banesë. Punohet për kapjen e tij dhe dokumentimin e plotë të rrethanave të rastit”, thuhet në njoftim.