Ndryshimet në Top Channel duket se do të prekin edhe një prej programeve më jetëgjata të televizionit.
“Fiks Fare” pritet të rikthehet në sezonin e ri me një strukturë ndryshe dhe me disa prej figurave të njohura që nuk do të jenë më pjesë e tij.
Pas raportimeve për largimin e Filip Çakulit, i cili ka drejtuar prej vitesh emisionin investigativ, tashmë në qendër të ndryshimeve janë edhe dy moderatorët, Julian Deda dhe Xhemi Shehu.
Sipas informacioneve të publikuara nga “Vox News”, dyshja nuk pritet të vazhdojë moderimin e “Fiks Fare” në sezonin e ardhshëm, duke i dhënë fund kështu angazhimit të tyre në këtë format.
Por riformatimi nuk përfundon me largimin e moderatorëve. Ndryshime të rëndësishme priten edhe në drejtimin editorial të programit.
Kryeredaktorja Denisa Haxhiaj raportohet se do të largohet nga detyra, ndërsa drejtimin e skuadrës pritet ta marrë Antela Lika, gazetare me një eksperiencë të gjatë brenda “Fiks Fare” dhe autore e një sërë investigimesh të transmetuara ndër vite.
Në strukturën e deritanishme, Filip Çakuli mbante rolin e autorit, Denisa Haxhiaj atë të kryeredaktores, ndërsa Julian Deda dhe Xhemi Shehu ishin dy figurat që drejtonin programin në ekran.
Nëse raportimet konfirmohen, sezoni i ri do ta gjejë “Fiks Fare” me një ndryshim thuajse të plotë të strukturës së tij kryesore, nga drejtimi editorial deri te prezantimi në studio.“Fshesa” vazhdon në Top Channel/ “Viza” edhe për dy personazhe mjaft të njohur (EMRAT)
