Një tragjedi ka ndodhur në brigjet greke ku 22 emigrantë humbën jetën pas gjashtë ditëve të kaluara në një gomone me destinacion Evropën.
Anija me emigrantë mësohet se ishte nisur nga porti i Tobrukut në Libinë lindore më 21 mars. Ndërsa mësohet se moti i keq dhe mungesa e ushqimit edhe ujit u bënë shkak i vdekjes.
26 të mbijetuar, në mesin e tyre një grua dhe një fëmijë, u shpëtuan nga një anije e agjencisë kufitare evropiane ditën e premte. Dy prej tyre u dërguan me urgjencë në spital në Heraklion në ishullin e Kretës.
Greqia dhe Italia, janë dy shtete që pranojnë një numër të madh emigrantësh pa dokumente nëpërmjet Mesdheut, shpesh nga Turqia fqinje dhe Afrika veriore. Shumë nga këto kalime ndodhin në verë, kur ka më pak gjasa të ketë mot të keq.
Sipas UNHCR, mbi 16,700 emigrantë mbërritën në Kretë gjatë vitit 2025, ndërsa të paktën 107 persona janë raportuar të vdekur ose të zhdukur në ujërat greke.
Comments are closed.