Shirat e dendura shkaktuan rrëshqitjen e dheut në provincën e Papuas Perëndimore, ku u godit një minierë të vogël ari në shfrytëzim nga banorët e maleve Arfak.
Rrëshqitja e dheut vrau gjashtë punëtorë dhe plagosi katër të tjerë, ndersa shirat e rrëmbyeshëm detyruan që të ndalonin kërkimet për 14 të zhdukurit.
Autoritetet do të rifillojnë të martën kërkimin e tyre për të zhdukurit pas fatkeqësisë, e cila përfshiu edhe shtëpitë e përkohshme të banimit të përdorura nga minatorët.
Përpjekjet e kërkimit u penguan nga rrugët dhe shtigjet malore të dëmtuara, si dhe moti i keq, tha për Reuters Yefri Sabaruddin, kreu i një ekipi prej 40 shpëtimtarësh, përfshirë zyrtarë policie dhe ushtarake, të cilët nxorën pesë trupa. Udhëtimi për në vendngjarje kërkoi 12 orë nga qyteti më i afërt, tha ai.
Numri i të zhdukurve të hënës u përditësua nga shifëra e mëparshme duke u shtuar edhe një i vdekur dhe 19 të zhdukurish, por numri i viktimave mund të rritet.
Minierat e paligjshme shpesh kane çuar në aksidente në Indonezi, ku burimet minerale ndodhen në zona të largëta në kushte të vështira për t’u rregulluar nga autoritetet.
Të paktën 15 persona vdiqën në shembjen e një miniere të paligjshme ari në provincën e Sumatrës Perëndimore shtatorin e kaluar pas një rrëshqitjeje dheu të shkaktuar nga shirat e rrëmbyeshëm.
Një tjetër rrëshqitje dheu në një minierë ari në ishullin Sulawesi vrau të paktën 23 persona në korrik të vitit të kaluar.