Një helikopter ushtarak është rrëzuar në rajonin Oryol të Rusisë, duke vrarë ekuipazhin, njoftoi agjencia shtetërore e lajmeve TASS.
Sipas mediave të huaja, ngjarja ndodhi pranë fshatit Naryshkino, shtoi agjencia, duke cituar selinë e distriktit ushtarak të Moskës.
Shkaku i rrëzimit të helikopterit thuhet se është një defekt teknik. Po ashtu guvernatori rajonal Andrei Klychkov tha në një postim në Telegram se nuk pati viktima civile.
Ekipet e zjarrfikësve shkuan në vendngjarje, ku bënë të mundur shuarjen e flakëve, ndërkohë që hetimet vijojnë për zbardhjen e plotë të këtij rasti.
