Një ngjarje e rëndë ka tronditur komunitetin në Quakertown, Pennsylvania, ku një shkencëtare dhe djali i saj 3-vjeçar janë gjetur të vdekur në një makinë, pranë shtëpisë së tyre.
Agnes Dawidowicz, 42 vjeç, dhe i biri Charlie, u zbuluan pa shenja jete në një automjet të parkuar në rrugën Barley Drive, të martën rreth orës 17:00 me orën lokale.
Ata u shpallën të vdekur në vendngjarje, ndërsa shkaqet e vdekjes mbeten ende të paqarta dhe janë pjesë e hetimeve në vazhdim.
Sipas profilit të saj në LinkedIn, Dawidowicz punonte prej gati 15 vitesh në kompaninë farmaceutike Almac Clinical Technologies, me qendër në Lansdale.
Ngjarja ka lënë të tronditur fqinjët e zonës, të cilët e përshkruajnë Charlie-n si një djalë të ëmbël dhe të dashur, që luante shpesh me fëmijët e lagjes.
Autoritetet lokale po hetojnë të gjitha pistat e mundshme, ndërsa komuniteti ka shprehur ngushëllimet për familjen dhe të afërmit e viktimave.