Nëntëmbëdhjetë persona humbën jetën gjatë natës të së martës kur dy ndërtesa katërkatëshe u shembën në Fez, një qytet i madh dhe ish-kryeqytet në Marokun verior, sipas një raporti paraprak nga agjencia zyrtare marokene e lajmeve MAP.
Sipas MAP, 16 persona u plagosën. I njëjti burim tha se “operacionet e kërkimit janë ende duke u zhvilluar për të shpëtuar njerëz të tjerë që mund të jenë varrosur nën rrënoja”.
Sipas të njëjtit burim, tragjedia ndodhi në lagjen Al Mustaqbal, e cila ndodhet në rajonin Al Masirah. Në të dy ndërtesat banonin tetë familje. Autoritetet lokale vlerësojnë se numri i të vdekurve mund të rritet në orët në vijim.
“Autoritetet lokale, shërbimet e sigurisë dhe Mbrojtja Civile shkuan në vendngjarje për të kryer operacione kërkim-shpëtimi” dhe “u morën të gjitha masat e nevojshme paraprake, duke përfshirë rrethimin e zonës së dy ndërtesave të dëmtuara dhe evakuimin e banorëve të shtëpive aty pranë”, raportoi MAP.
