Një ngjarje e rëndë ka ndodhur në Britaninë e Madhe, ku një mësuese ka ndërruar jetë një ditë pasi i vdiq foshja e porsalindur.
Aoife Bird vdiq tragjikisht të mërkurën si pasojë e një sëmundjeje të papritur. Vetëm një ditë më përpara i kishte ndërruar jetë foshja e saj, Ailbhe.
“Me hidhërim të madh njoftojmë ndarjen nga jeta të Aoife Bird, më 26 nëntor dhe të foshnjës Ailbhe, e cila ndërroi jetë më 25 nëntor. Aoife vdiq pas një sëmundjeje të papritur, e rrethuar nga familja e saj në Spitalin Rajonal Mullingar”, thuhet në një njoftim për vdekjen e saj.
Ajo la pas bashkëshortin e saj, Jim dhe djalin e vogël, Daithi. Prindërit e saj, Peter dhe Margaret së bashku me motrat Siobhan, Aisling, Roisin dhe vëllai, Shane, janë të shkatërruar nga kjo ngjarje e trishtë.
“Irish Mirror” shkruan se Aoife ishte një mësuese e respektuar në Shkollën Komunitare Ashbourne, ku jepte mësim. Shkolla ka bërë një homazh prekës pas ndarjes nga jeta në mënyrë të papritur.
“Me trishtim të thellë e ndajmë këtë mesazhi me ju”, tha shkolla në një deklaratë të mërkurën, duke shtuar:
“Kemi marrë lajmin e trishtuar për vdekjen e papritur të koleges, mikeshës dhe mësueses së spanjishtes dhe biznesit, znj. Aoife Oates dhe vajzës së saj, Ailbhe. Mendimet dhe lutjet tona janë me bashkëshortin e saj dhe familjen e gjerë”.
Ndërkohë bashkëshorti i Aoife-s, Jim, jep mësim në shkollën e mesme Scoil Mhurie në Trim, ku kolegët i kanë bërë homazhe të përzemërta nënës së re dhe foshnjës së saj, në një mesazh prekës të postuar në faqen e tyre të internetit.
