Një ngjarje e rëndë është regjistruar në orët e para të mëngjesit në lagjen “Pavarësia” të qytetit të Vlorës, ku një shtetas 35-vjeçar dyshohet se është vetëplagosur me armë zjarri brenda apartamentit të tij.
Sipas informacioneve paraprake nga Policia, rreth orës 04:10, shtetasi A. M., 35 vjeç, dyshohet se është vetëplagosur me pistoletë tip Glock. Pas dhënies së ndihmës së parë në spitalin lokal, ai është transportuar me urgjencë në Spitalin e Traumës në Tiranë, për trajtim të specializuar.
Në vendin e ngjarjes është sekuestruar arma e zjarrit, e cila do të shërbejë si provë materiale në vijim të hetimeve.
Grupi hetimor, nën drejtimin e Prokurorisë, po vijon punën për të zbardhur rrethanat dhe motivet e ngjarjes. Deri më tani nuk janë dhënë detaje të mëtejshme për gjendjen shëndetësore të të plagosurit apo për shkaqet e mundshme të incidentit.