Një sulm me armë zjarri në tregun Or To Ko në kryeqytetin tajlandez përfundoi me të paktën gjashtë viktima, përfshirë autorin, i cili më pas kreu vetëvrasje, njoftoi të dielën policia lokale.
Screenshot_7Sipas zëvendësshefit të Byrosë së Policisë Metropolitane, Charin Gopata, autori vrau pesë persona para se të kryente aktin fatal ndaj vetes.
Mes të vrarëve janë katër roje sigurie të tregut, i njohur për shitjen e produkteve bujqësore dhe ushqimeve lokale, si dhe një grua, konfirmoi Qendra Mjekësore e Emergjencës Erawan, që mbikëqyr spitalet e Bangkokut.
Autoritetet vazhdojnë hetimet për motivet e sulmit dhe po përpiqen të kuptojnë rrethanat që çuan në këtë tragjedi.
