U shtrua me urgjencë në spital pasi u ndje keq në emision! Vjen lajmi i mirê, ja gjëndja e Rudina Xhungës

Jeni shumë që na keni shkruar për shëndetin e drejtueses së DritareTV, Rudina Xhunga pasi gjatë intervistës live në emisionin Rudina në TV Klan, nuk u ndje mirë.

Duam t’ju themi të gjithëve se gjendja e zonjës Xhunga është e stabilizuar. Për momentin është e qetë dhe nën kujdesin e mjekëve! Faleminderit te gjitheve. 

Një situatë aspak e zakontë ka ndodhur pasditen e kësaj të enjte në emisionin e Rudina Magjistarit, ku e ftuar ishte dhe gazetarja e njohur Rudina Xhunga. Ajo sapo nisi të fliste dhe të tregonte eksperiencat gjatë profesionit, kur filloi të kishte probleme shëndetësore.

“Më keni kapur në një ditë të keqe, sepse kam një problem shëndeti që nuk e kuptoj…”, u shpreh gazetarja, ndërkohë drejtuesja Rudina Magjistari i kërkoi menjëherë të largohej për të monitoruar shëndetin, pavarësisht transmetimit live.

“Për fat të mirë kishim dhe doktoreshën këtu”, dëgjohet të thotë moderatorja, në pamjet që ka shpërndarë edhe vetë televizioni, kurse publiku e duartrokiti gazetaren e njohur.

Në panel, e ftuar me Rudina Xhungën për të folur për rolin e grave në 7-8 Mars ishte e pranishme edhe mjekja Edlira Rehovica, e cila e shoqëroi gazetaren jashtë studios dhe menjëherë e asistoi për të monitoruar shëndetin dhe shkakun e gjendjes së paqëndrueshme.

Media që Rudina Xhunga drejton, shkruan se gjendja shëndetësore e saj është stabilizuar dhe për momentin ajo është nën kujdesin e mjekëve.

“Jeni shumë që na keni shkruar për shëndetin e Rudina Xhunga pasi gjatë intervistës live në emisionin Rudina në TV Klan, nuk u ndje mirë. Duam t’ju themi të gjithëve se gjendja e zonjës Xhunga është e stabilizuar. Për momentin është e qetë dhe nën kujdesin e mjekëve”, thuhet në reagim.

Më poshtë, episodi i publikuar nga Televizoni Klan: /© youtube.com/@televizioniKLAN