Departamenti i Shtetit ka revokuar më shumë se 6,000 viza studentore këtë vit, tha të hënën një zyrtar i Departamentit të Shtetit.
Vizat u revokuan sepse studentët kishin tejkaluar afatin e qëndrimit ose kishin shkelur ligjin, tha zyrtari, duke vënë në dukje se “shumica dërrmuese” e këtyre shkeljeve ligjore ishin për raste të sulmit, drejtimit të automjetit nën ndikimin e alkoolit, vjedhjes me thyerje dhe “mbështetjes për terrorizmin”.
Sipas zyrtarit, afërsisht 4,000 nga 6,000 viza u revokuan sepse mbajtësit e vizave “shkelën ligjin”.
Përafërsisht 200 deri në 300 nga këto viza u anuluan për terrorizëm të dyshuar sipas një pjese të Aktit të Imigracionit dhe Kombësisë që thotë se shtetasit e huaj mund të mos lejohen të hyjnë në SHBA “për shkak të aktiviteteve të lidhura me terrorizmin”.
