Një çift i ri është ekzekutuar brutalisht në mes të ditës në Pakistan, pasi familja e tyre nuk ishte dakord për këtë martesë. Momenti i tmerrshëm u kap në video dhe u postua në internet, duke shkaktuar zemërim kombëtar për çështjen e “vrasjeve të nderit”.
Pamjet, të cilat u bënë shpejt virale në mediat sociale gjatë fundjavës, tregojnë burrin dhe gruan të qëlluar për vdekje nga afër, ndërsa kalimtarët shikojnë në heshtje. Policia i identifikoi viktimat si Bano Bibi dhe Ahsan Ullah, të cilët raportohet se ishin të dashuruar dhe vendosën të martoheshin, pavarësisht se familja e vajzës nuk ishte dakord.
Autori kryesor dyshohet se është vëllai i vajzës, i cili e qëllon me armë në momentin final por gjithashtu dyshohet se ka qenë ai që e denoncoi martesën. Policia ka arrestuar po ashtu 11 të persona të tjerë.