Një protestë marshim u tha se do të ishte kjo e kësaj të premte, mirëpo krejt papritur gardhi policor i vendosur në mes të Bulevardit agaravoi situatën mes protestuesve të Sali Berishës dhe policisë.
Ndonëse nuk priteshin tensione, këto nuk munguan, as dhe molotovët, gazilotsjellës dhe uji. Ndërkohë që ndryshe nga protestat e kaluara, kësaj here vumë re një numër më të vogël protestuesish, kjo mbase dhe për shkak të motit të keq me reshje të dendura shiu.
Kjo tkurrje e numrit të protestuesve është vënë re edhe nga aktivistja shqiptaro-amerikane, Evi Kokalari, e cila ndonëse shprehu ambicien për të garuar për kryetare të Partisë Demokratike nuk arriti të futej në garë, për shkak se u skualifikua si pasojë e mosplotësimit të kushteve.
Nga përtej Atlantikut, Kokalari ka falenderuar të gjithë demokratët të cilët vendosën që të “bojkotojnë” sipas Koklari protestën e Sali Berishës.
“Keni dhënë një super mesazh jo vetëm Berishës, por edhe neve që po bëjmë luftën për ta nxjerrë opozitën nga kthetrat e këtyre monstrave”, shkruan Kokalari.
Njoftimi i plotë:
Bravo demokratë. Më pak se 100 veta në protestën e Berishës sot.
Keni dhënë një super mesazh jo vetëm Berishës, por edhe neve që po bëjmë luftën për ta nxjerrë opozitën nga kthetrat e këtyre monstrave.
Ja, kjo është shpresa për shpëtimin e vendit!!
Dashuri për të gjithë ju që qëndruan në shtëpi sot.
Comments are closed.