Pas situatave të fundit, që përfshinë Mirin brenda shtëpisë së Big Brother VIP Albania, në rrjetet sociale nisën aludimet për një surprizë të mundshme gjatë spektaklit “Prime”.
Shumë ndjekës spekuluan se bashkëshortja e tij mund të shfaqej në studio për t’i dhënë mbështetje publike, pas ngjarjeve që krijuan tension dhe debat brenda shtëpisë. Komentet dhe pritshmëritë u shtuan ndjeshëm, duke e kthyer këtë ide në një nga temat më të përfolura online.
Megjithatë, çdo dyshim është sqaruar nga vetë bashkëshortja e Mirit. Përmes një postimi në llogarinë e saj në Instagram, ajo ka ndarë një fotografi nga ambienti i punës, ku dallohet qartë se ndodhet në Gjermani dhe po vijon angazhimet e saj profesionale si zakonisht.
Ky postim erdhi si një përgjigje e drejtpërdrejtë ndaj zërave që qarkullonin, duke bërë të qartë se nuk ka asnjë plan për një paraqitje të saj në spektaklin e mbrëmjes.
Në përshkrimin e fotos, ajo iu drejtua të gjithë atyre që prisnin ta shihnin në ekran.
“Për të gjithë që mendojnë që jam në Prime sot… Më vjen keq por jam në punë!”, ka shkruar ajo, duke konfirmuar se nuk do të jetë pjesë e mbrëmjes live.
Kështu, surpriza e shumëpritur rezultoi të ishte vetëm një aludim i rrjeteve sociale, ndërsa mbështetja për Mirin duket se do të mbetet, për momentin, nga distanca.
Comments are closed.