Vdekja e 25-vjeçares Xhuana Nikolli nga Lezha, e cila i dha fund jetës disa ditë më parë, duke konsumuar fostoksinë, ka tronditur opinionin publik.
Në kërkim është shpallur ish bashkëshorti i saj, Eraldo Fizi, pasi dyshohet se ka ushtruar dhunë ndaj të resë dhe e ka çuar drejt vetëvrasjes. Ishin familjarët që denoncuan në polici Fizin, duke e akuzuar se ka dhunuar në mënyrë brutale me vajzën dhe se ajo kishte hematoma dhe dëmtime të rënda në trup.
Së fundmi, është raportuar nëpër media se edhe ish vjehrra ka ushtruar dhunë ndaj saj. Ajo ka folur shkurtimisht për emisionin “Me zemër të hapur” të moderatores Evis Ahmeti në News24, duke theksuar se nuk mund të flasë sepse do të respektojë 25-vjeçaren.
“Më vjen keq por nuk mund të flas dot. Më vjen keq por nuk mund të flas dot se dua të respektoj të ndjerën që është atje ku nuk duhet të ishte”, tha ajo.
Më herët, për emisionin foli edhe i ati i të ndjerës. Ai tha se çështjen ia kanë lënë në dorë drejtësisë, duke shtuar se telefonata e fundit e të bijës ka qenë me të ëmën në mëngjes para se të ndodhte ngjarja.
Comments are closed.