Zbulohen prapaskenat e Ferma VIP: Kë donin të shpallnin fitues Arbana & Edi?

Gazetari Elton Tozaj ka zbuluar disa detaje të tjera nga prapaskenat e sezonit të fundit të “Ferma VIP”, gjatë një lidhjeje live në “Radar Albania”.

Sipas tij, fitorja e Mimoza Ahmetit nuk ishte zgjedhja fillestare e stafit, por u ndikua nga reagimi i fortë i publikut ndaj saj gjatë gjithë rrugëtimit në fermë.

Tozaj pretendon se Arbana Osmani dhe Eduart Grishaj u përballën me një situatë ku mbështetja e madhe që mori Moza nga publiku e bëri të pamundur një tjetër rezultat.

“U detyruan t’ia jepnin Mozës”, është shprehur gazetari, duke shtuar se ajo arriti të krijojë një lidhje të menjëhershme me publikun dhe të marrë një vëmendje të madhe gjatë spektaklit.

Sipas deklaratës së tij, zgjedhja e parë do të ishte një tjetër finalist. Elton Tozaj tha se, nëse do të varej nga preferencat e drejtuesve të formatit, fitues do të ishte Ilir Shaqiri.

Mimoza Ahmeti u shpall fituese e edicionit të tretë të “Ferma VIP”, duke lënë pas në finale emra si Ilir Shaqiri, Elvis Pupa, Soni Malaj dhe DJ Bujaka. Arbana Osmani ishte moderatorja e këtij edicioni, ndërsa Eduart Grishaj ishte regjisori i formatit.