Të martën mbrëma, rrugëtimi i Gimbos në shtëpinë e “Big Brother VIP Albania” erdhi në fund pas eliminimit të tij nga gara.
Por ndryshe nga praktika e zakonshme ku banorët e eliminuar kalojnë ditët e para në Tiranë për të dhënë intervistat e para pas daljes, Gimbo mori një tjetër vendim, duke u nisur menjëherë drejt Kosovës.
Ky largim i shpejtë u bë shkas për spekulime të shumta online.
Gjatë mbrëmjes së djeshme, interneti zjeu nga thashethemet se ish-banori ishte ndaluar nga autoritetet sapo kishte hyrë në territorin e Kosovës.
Informacioni i pakonfirmuar u përhap me shpejtësi të madhe nëpër rrjete sociale, duke ngritur shqetësime dhe pyetje të shumta te ndjekësit e tij.
Megjithatë, e vërteta qëndron krejtësisht ndryshe nga çfarë u raportua nëpër portale.
E vetmja pjesë e saktë e atyre zërave ishte nisja e tij e menjëhershme drejt Prishtinës.
Gimbo është plotësisht i lirë dhe po shijon rikthimin në normalitet. Kjo është konfirmuar më së miri nga një imazh i publikuar së fundmi, ku ai shfaqet i buzëqeshur në shoqërinë e biznesmenit Rrahim Pacolli.
Ata janë fotografuar së bashku në restorantin “Arberesh” në Prishtinë, duke hedhur kështu poshtë me fakte çdo aludim për probleme ligjore pas largimit nga programi.
Comments are closed.