Ditën e sotme Asambleja Zgjedhore e Federatës Shqiptare të Futbollit ka publikuar listën përfundimtare të anëtarëve të Komitetit Ekzekutiv të cilët duhet të zgjidhen në Asamblenë e Zakonshme Zgjedhore më 16 shkurt të këtij viti.
Ndërkohë, në garën për Komitetin Ekzekutiv të FSHF-së, janë në listë 13 emra për 10 vende. Emri që bie në sy jahstë botës së sportit është edhe ai i Blendi Fevziut. Përfshirja e drejtuesit të emisionit “Opinion” në këtë proces pasqyron synimin e shoqatës për prurje të reja në strukturat drejtuese të futbollit.
Ndërkohë, në risitë mes kandidatëve është prania e ish-presidenti të Teutës, Edmond Hasanbelli, si dhe ikonës të Kombëtares shqiptare, Geri Çipi.
Blendi Fevziu i futet futbollit, propozohet për Komitetin Ekzekutiv në FSHF
Gjithashtu në garë janë edhe emra të tjerë të njohur, si Armando Cungu e Erind Resuli, dy nga emrat më të besuar të FSHF-së në këto vite, pasi kanë mbajtur poste në drejtimet e ekipeve të moshave apo të futsallës.
“Rrënjë” në Komitetin Ekzekutiv të FSHF-së ka “ngulur” edhe Lutfi Nuriu. Ish-presidenti i Tiranës është pjesë këtij Komiteti që prej vitit 2002.
Po ashtu një tjetër emër me karrierë të gjatë në krye të Komitetit Ekzekutiv të FSHF-së është edhe ndërtuesi Arben Dervishaj. Ky i fundit bën pjesë që prej vitit 2005./Pamfleti
Lexo gjithashtu: “Ju bètohem në Alláh, sonte ka me u habít krejt bota”/ Çfarë po parálajmëron Límí?
Lista e 13 kandidatëve për 10 vende në Komitetin Ekzekutiv:
1-Abdyl Kuriu (rikandidon)
2-Anila Basha (rikandidon)
3-Arben Dervishaj (rikandidon)
4-Armando Cungu
5-Blendi Fevziu
6-Edmond Hasanbelli
7-Envi Hicka (rikandidon)
8-Erind Resuli
9-Ervin Canollari (rikandidon)
10-Geri Çipi
11-Gjergji Petro (rikandidon)
12-Lutfi Nuriu (rikandidon)
13-Pano Xhixho (rikandidon)
Comments are closed.