Një zjarr i fuqishëm shpërtheu në dy apartamente të një ndërtese banimi në zonën Al-Riggae, në jugperëndim të qytetit të Kuvajtit, duke shkaktuar vdekjen e tre personave dhe plagosjen e disa të tjerëve.
Sipas raportimeve nga Agjencia Zyrtare e Lajmeve të Kuvajtit, ekipet e zjarrfikësve dhe të Departamentit të Kërkim-Shpëtimit shkuan menjëherë në vendngjarje, duke ndërhyrë për të vënë nën kontroll dhe shuar flakët. Shkaku i zjarrit nuk është bërë ende i ditur.
Disa nga të plagosurit u ndihmuan në vend nga ekipet e urgjencës mjekësore, ndërsa të tjerët që ishin në gjendje më të rëndë, u transportuan në spitalet më të afërta për trajtim.
Forca e Zjarrfikësve të Kuvajtit lëshuan një njoftim për sigurinë publike, duke u bërë thirrje pronarëve të ndërtesave që të respektojnë masat parandaluese kundër zjarrit, dhe të heqin të gjitha pengesat nga shtigjet e jashtme për të mbrojtur jetën dhe pronën.
