Një ngjarje tronditëse ka ndodhur në Zelandën e Re, ku një grua 27-vjeçare është arrestuar pasi u zbulua se po udhëtonte me autobus duke mbajtur fshehur vajzën e saj dyvjeçare brenda një valixheje.
Ngjarja u regjistrua në një terminal autobusi në Kaiwaka, pranë Auckland-it.
Alarmi u dha nga shoferi i autobusit, i cili gjatë një ndalese të planifikuar vuri re se një çantë në hapësirën e bagazheve po lëvizte në mënyrë të dyshimtë.
Kur hapi bagazhin për të kontrolluar, ai zbuloi brenda valixhes vajzën e vogël. Fëmija ishte i mbinxehur, por fatmirësisht pa dëmtime të tjera të dukshme fizike.
Menjëherë u njoftua policia, e cila arrestoi nënën e fëmijës. Inspektori i Policisë, Simon Harrison, konfirmoi se gruaja po akuzohet për keqtrajtim dhe neglizhencë.
Vajza dyvjeçare është dërguar menjëherë në spital për një vlerësim të plotë mjekësor dhe ndodhet nën kujdesin e mjekëve.
Autoritetet theksuan se ky incident, i cili mund të kishte pasur pasoja fatale, u parandalua vetëm falë vëmendjes dhe reagimit të shpejtë të shoferit, i cili shpëtoi një tragjedi të mundshme.