Një aksident me pasojë vdekjen e një personi ka ndodhur mbrëmjen e sotme në aksin rrugor Mamurras–Milot.
Sipas informacioneve të para, një automjet ka përplasur një këmbësor, i cili ishte duke kaluar rrugën në momentin e ngjarjes.
Si pasojë e goditjes, këmbësori ka ndërruar jetë në vendngjarje.
Burime bëjnë me dije se policia ndodhet në vend për të kryer veprimet hetimore dhe për të sqaruar rrethanat e aksidentit.
